«Եթե մարդը դպրոցից սովորել է պատասխանը պարզապես ընդունել, ապա ԱԲ ձեռքում կարող է շատ հեշտ մոլորվել». Սմբատ Գոգյան

Ֆիզիկամաթեմատիկական գիտությունների դոկտոր Սմբատ Գոգյանի ֆեյսբուքյան գրառումը. «Դպրոցում երեխաներին հիմնականում սովորեցնում են նյութը յուրացնել, հիշել ու վերարտադրել։ Բայց շատ քիչ են սովորեցնում հարցեր տալ, կասկածել, չհամաձայնել ու բանավիճել։
Դասի ժամանակ երբ աշակերտը շատ է հարցնում՝ «ինչո՞ւ», «իսկ եթե հակառակը լինի՞» հաճախ սկսում է ընկալվել՝ որպես դասը խանգարող։
Միտքը քննել չսովորող չափահասի համար արհեստական բանականության տված վստահ տոնով պատասխանը վտանգավոր է։ ԱԲ-ն հաճախ փորձում է հարմարվել հարց տվողին ու համաձայնել նրա ասածի հետ։ Եթե մարդը դպրոցից սովորել է համոզիչ ձևակերպված պատասխանը պարզապես ընդունել, ապա արհեստական բանականության ձեռքում կարող է շատ հեշտ մոլորվել»։