«Չգիտեմ՝ մարդկային ինչ տեսակ է սա»․ Լևոն Քոչարյան

«Երեկ ԱԺ-ում վարչապետի աթոռը զբաղեցնող մարդն ասում էր՝ էսինչը պետք ա նստի, էսինչին պիտի ունեզրկեմ, ու հաջորդ օրը մի 20 հոգի դիմակավորված մտնում են նրա տուն, ում ինքը դա ասում էր»,- լրագրողների հետ զրույցում ասաց պատգամավոր Լևոն Քոչարյանը՝ խոսելով իր բնակարանում կատարված խուզարկության մասին։ «Երեկ նաև ասում էր՝ ես չեմ թողնելու այն, ինչ ունեք, ժառանգեք երեխաներին․ ես չգիտեմ՝ ի՞նչ կարգի մարդ պետք ա լինես, որ երեխուց խլես, չգիտեմ՝ ի՞նչ մարդկային տեսակ է սա։ Սա մի ուրիշ մարդկային տեսակ է, ու ահավոր է, երբ տեսնում ես, որ նման մարդուն կարան այդքան ձայն տան, հավանություն տան, սա ողբերգություն է»,- նշեց ընդդիմադիր գործիչը։