«Հրահանգում է նստեցնել իր դեմ պայքարողներին»․ Սևակ Հակոբյան

Լրագրող, խմբագիր Սևակ Հակոբյանի ֆեյսբուքյան գրառումը․ «Այսօր կատարվողի պատճառը Նիկոլի նյարդային անբավարարվածությունն է, որի պատճառն էլ Լևոն Քոչարյանի ուղիղ խոսքն էր խորհրդարանում դրա հացեին․ «էդ պիղծ դավաճանը ինչո՞ւ է դեռ մնում»։
Պատճառը, եթե կուզեք, Ռոբերտ Քոչարյանի՝ նախընտրական շրջանում հայտարարությունն էր․ «Չեմ հանգստանալու այնքան ժամանակ, մինչև այս իշխանությունը չհեռացվի։ Բայց դա բավարար չէ։ Պետք է պատասխան տան նրանք, ովքեր մեղավոր են մեր հազարավոր հերոսների մահվան համար, ովքեր հանձնեցին Արցախը, ովքեր ստիպում են մեր ժողովրդին մոռանալ իր հերոսական անցյալը»:
Պատճառն այն է, որ խորհրդարանի ամբիոնից Նիկոլը պահանջում էր մոռանալ Ցեղասպանությունը, Քոչարյանի օրոք դարձել է արտաքին քաղաքական գերակայություն, և ճանաչել են տասնյակ երկրներ։
Պատճառն այն է, որ Նիկոլը խորհրդարանի ամբիոնից ասում էր «դադարեցենք Հայաստան փնտրել Ադրբեջանում»՝ նկատի ունենալով Արցախը, իսկ Քոչարյանն ազատագրել է Արցախը։
Պատճառն այն է, որ Նիկոլը տասնյակ հազարավոր տներ է հանձնել Ադրբեջանին, իսկ Քոչարյանը նույն Արցախում կառուցել է տներ։
Արցախի Հանրապետությունը ունեցել է 4 նախագահ, երեքը Ադրբեջանի բանտում են, մեկը թեև քրեական գործերի մեջ, բայց՝ ազատության մեջ, ու դա հանգիստ չի տալիս նիկոլենց եռագլխին։ Ու կփորձեն, որ գոնե Հայաստանի բանտում Քոչարյանը նստի։
Գիտե՞ք, Նիկոլը, ում օրոք հանձնվել է 300 գյուղ ու քաղաք, ավելի քան 30 հազար տուն, հազարավոր գործարաններ, բիզնես-ձեռնարկություններ, բռնագհաղթել է 150 հազար մարդ և ամենակարևորը՝ 5 հազար մեր լուսավոր զավակներ հողին են հանձնել, նեղվելու չէ, որ ընկել է նախագահի ընտանիքի հետևից։
Ժողովրդի կարծիքով, դա պետք է նստած լիներ 2020 թվականի նոյեմբերի 10-ից։ Բայց քանի որ նստած չէ ու դեռ աշխատում է որպես վարչապետ, հրահանգում է նստացնել իր դեմ պայքարողներին։
Քոչարյանը պատմության մեջ է՝ իր ղեկավարման որակով ու արդյունքներով։ Նիկոլն էլ է մնալու պատմության մեջ․․․»։