«Օրենսգրքերով սահմանե՞նք՝ ով անչափահաս երեխա ունի, իր նկատմամբ գործողություն չի կարող իրականացվել»․ Սիսակ Գաբրիելյան

«Եթե փոխվի իշխանությանը և քաղաքական ղեկավարի ուղիղ ցուցումով ԱԱԾ-ն մտնի ձեր տուն և ձեր անչափահաս երեխայի ներկայությամբ տանը խուզարկություն իրականացվի, ձեզ գցեն գետնին, փորձեն ձերբակալել, դուք և ձեր քաղաքական թիմը ինչպիսի՞ գնահատական կտաք»,- լրագրողը դիմեց ՔՊ-ական պատգամավոր Սիսակ Գաբրիելյանին։ «Եկեք քրեական դատավարության կամ մյուս օրենսգրքերով սահմանենք, որ ով անչափահաս երեխա ունի՝ իր նկատմամբ որևէ գործողություն չի կարող իրականացվել։ Երբ դուք փորձում եք վահան դարձնել անչափահաս երեխային, ես էլ ասում եմ՝ շատ լավ, եկեք փոխենք օրենքը»,- ի պատասխան ասաց ՔՊ-ականը և շարունակեց․ «Պատասխանատվության ենթարկելը գործընթաց է ենթադրում, ենթադրում է խուզարկություն, գաղտնալսում, քննչական գործողություններ և այլն․ հիմա դուք ո՞նց եք պատկերացնում՝ այդ ամենը չլինի՞ ու միանգամից լինի դատավճի՞ռ․ դա կլիներ բռնապետություն»: