«Աստարա–Ռեշտ երկաթուղին այն օղակն է, որ բացակայում է Հյուսիս–հարավ երկաթուղային հաղորդակցության մեծ շղթայում». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Մոսկվայում Իրանի դեսպան Ջալալին հայտարարել է, թե Ռուսաստանն ու Իրանն ըստ էության ամբողջացրել են Աստարա–Ռեշտ երկաթուղու կառուցման մասին համաձայնագիրը և պլանավորում են այն ստորագրել երկու երկրների բարձրաստիճան պաշտոնյաների մասնակցությամբ։

Թե ինչ մակարդակի պաշտոնյաների մասին է խոսքը, դեսպանը չի նշել։ Իսկ առհասարակ խոսքն, իհարկե, ոչ թե պարզապես երկկողմ, այլ աշխարհաքաղաքական նշանակության նախագծի մասին է, քանի որ Աստարա–Ռեշտ երկաթուղին այն կապն է կամ այն օղակը, որ բացակայում է Հյուսիս–հարավ երկաթուղային հաղորդակցության մեծ շղթայում՝ հյուսիսային ջրերից մինչև Պարսից ծոց բեռնափոխադրումների իրականացման համար։

Ներկայում երկաթուղին հասնում է մինչև իրանական Աստարա, որը գտնվում է Ադրբեջանի հետ սահմանին։

Այս նախագծի իրականացումով է նաև պայմանավորված այն՝ այսպես ասած զգուշավորությունը, որ դրսևորում է Մոսկվան Ադրբեջանի հանդեպ ներկայումս»։