«Ավելորդ է խոսել բարեկրթության մասին, երբ ինչ-որ անծագում երևույթ կարող է որևէ հոգևորականի համեմատել Բեն Լադենի հետ». Բագրատ Սրբազան

«Քաջալերում եմ ընդդիմությանը՝ բարեկրթության հետ կապված»,- ասուլիսի ժամանակ ասաց Բագրատ Սրբազանը՝ խոսելով ԱԺ-ում ընդդիմության մասին։ «Ստախոսության մասին քիչ խոսեն, գործեն այնպես, ինչպես պատկերացնում են՝ գործելն ինչպես է լինում։ Այն պայմաններն ու թեմաները, որ առաջարկում են իշխանական խմբակցության անդամները, պարզապես սուտ են, կեղծ։ Ավելորդ է խոսել բարեկրթության, բարոյագիտականի մասին, երբ տեսնում ենք, թե ինչպես խորհրդարանի ամբիոնից ինչ-որ անծագում մի երևույթ կարող է որևէ հոգևորականի համեմատել Բեն Լադենի հետ»,- նշեց Սրբազանը՝ հավելելով, որ պետք է աջակցել ԱԺ ընդդիմությանը։