«Նորմալ երկրում ՊՆ-ն կամ ԳՇ պետը հրաժարական տված կլինեին, սակայն Հայաստանը նորմալ երկիր չէ»․ Ոսկան Սարգսյան

Լրագրող Ոսկան Սարգսյանը ֆեյսբուքյան էջում գրում է․ «Նորմալ երկրում խաղաղ պայմաններում այսքան շատ մահերից հետո պաշտպանության նախարարը կամ գլխավոր շտաբի պետը հրաժարական տված կլինեին։ Սակայն Հայաստանը նորմալ երկիր չէ, քանի որ բանակում իր հրամանատարին դանակահարած, ռազմական կրթություն չունեցող պատմության դասատուն պաշտպանության նախարար է նշանակվել այն պատճառով, որ քայլել է Նիկոլ Փաշինյանի հետ։ Հայաստանը նորմալ երկիր չէ, քանզի գլխավոր շտաբի պետը հայրենի Արցախը հանձնած, Ջերմուկի բարձունքներից ադրբեջանական զինուժի սովահարությամբ հանողն է։ Հայաստանը նորմալ երկիր չէ քանզի հանրությունն արդեն համակերպվել է չի ընդվզում բանակում շատ զոհերի, տիրող բարդակի հետ»։