«Պահանջում ենք, որ մեր տղաներն էլ ծառայեն 1.5 տարի»․ ակցիայի մասնակից

Բանակում 2 տարով զինծառայություն իրականացնող զինվորների ծնողներն այսօր՝ օգոստոսի 6–ին, հերթական անգամ բողոքի ակցիա են իրականացրել կառավարության շենքի դիմաց՝ պահանջելով, որ իրենց որդիների վրա ևս տարածվի 1,5 տարի ծառայելու կարգը։

«Պահանջում ենք, որ մեր երեխաներն էլ ծառայեն 1.5 տարի։ Մենք ոչ մի բանից դժգոհ չենք՝ սնունդ, հագուստ, ամեն ինչ էլ ապահովում են, իմ տղան դժգոհ չի։ Մենք ուզում ենք, որ լինի արդարություն, դասարանի կեսը գնացել է 2 տարով, կեսը՝ 1,5 տարով, պայքարում ենք, որ լինի արդարություն։ Տարբերություն չկա, բոլորն էլ մեր զինվորներն են»,- լրագրողների հետ զրույցում նշել է ակցիայի մասնակիցներից մեկը։