«Թոշակների ավելացման հետևանքով շատերը զրկվել են ընտանեկան նպաստից»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը ձեռքով սիրտիկներ է անում, բոլորին սեր խոստովանում, սակայն պարտքերի ու վարկերի տակ կքած Հայաստանի պետբյուջեից 5 միլիարդ դրամ է հատկացրել ոչ թե աղքատներին ու կարիքավորներին, այլ՝ ոչ արդյունավետ աշխատող պաշտոնյաներին պարգևատրելու համար։ Տավուշի մարզի սոցիալապես անապահովները լրագրողիս բողոքել են, որ թոշակների 10 հազար դրամով ավելացման հետևանքով շատերը հունիսի 7-ի ԱԺ ընտրություններից հետո զրկվել են ընտանեկան նպաստից։ Սոցիալապես անապահովները բողոքում են, որ ընտանիքների կարիքավորությունը որոշող, աշխատանքի և սոցիալական հարցերի նախարարության ինտերնետային կայքում երբ իրենց ընտանիքի ծախսած էլեկտրաէներգիայի, բնական գազի ցուցանիշների վերաբերյալ գրառումներ են անում, հաճախակի կայքից դուրս են ընկնում և հաջորդ անգամ այդ գրառումները ստիպված են անել նորից, նոր տողից։ Իսկ ինտերնետի հասանելիությունը և որակը մարզերում վատ է, քան՝ Երևանում։ Այդպես աղքատները, կարիքավորները նախարարության ինտերնետային կայքում տանջահար են լինում։ Ի դեպ, այդ մարդկանց մեծամասնությունը ԱԺ ընտրություններում քվե է տվել ՔՊ կուսակցությանը»։