«Քաղաքն այս սոսկալի վիճակին բերող կառույցի ղեկավարը մարտի է դուրս եկել այն պաշտպանողների դեմ»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Երևանի ստվերազուրկ կենտրոնն է։
Եվ քաղաքն այս սոսկալի վիճակի բերող կառույցի ղեկավարը մարտի է դուրս եկել այն պաշտպանողների դեմ…
Ասուլիսները օգուտ չեն տալիս և հազար մարդ ղեկավարողը՝ «բլոգերի» պոմպոնը փակցրած երկար մոնոներկայացումով է հանդես գալիս՝ «Բոլորը ստում են, ազնիվը՝ ես եմ»… Բայց թույլ է, շատ թույլ և հավատ չներշնչող։ Եվ կրկին, հոլովակի տակ ֆիքսում ենք բազմաթիվ մարդկանց «շնորհակալ» վերաբերմունքը, ովքեր ֆեյսբուքից դուրս, քայլում են մերկացած ստվերազուրկ փողոցներով։
Էդուարդ Հայրումյան ջան, երանի քեզ նմանները շատ լինեն։ Հուսանք, որ կգա այն օրը, երբ նման որակով գիտության դեմ մարտի դուրս չեն գա, ավերելով սերունդների ստեղծածը, մոլորեցնելով, խառնելով թացն ու չորը։ Եվ ամենակարևորը, իշխանությունը կարգելի ու անթույլատրելի կհամարի նման բեմադրությունները»։