«Այս ամենը իշխանության անպատասխանատու և ոչ պրոֆեսիոնալ աշխատանքի հետևանք է»․ Մեսրոպ Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը ֆեյսբուքյան իր էջում գրել է․ «Երեկ Ամիրյան փողոցում ստորգետնյա մալուխի պայթյունը չխլեց մարդկային կյանքեր բացառապես երջանիկ պատահականության արդյունքում։ Ինչը տեղի չունեցավ շաբաթներ առաջ Դավթաշենում ընկած ծառի ժամանակ, երբ քաղաքացին տեղում մահացավ։
Այս ամենը իշխանության անպատասխանատու և ոչ պրոֆեսիոնալ աշխատանքի հետևանք է, որտեղ կարևոր է ոչ թե մարդու անվտանգությունն ու հարմարավետությունը, այլ փողոցի ամեն սալիկը փոխելուց հին ու նոր սալիկի արանքում նկարվելը։
Ձերը մաքսիմում հեռախոսի զարյադչնիկ միացնելն է, թե բա մալուխները անցկացնում ենք գետնի տակ»։