«Հայ ժողովրդին էշի տեղ դնելու նպատակով հերթական դրվագն է բեմականացվում»․ Արթուր Դանիելյան

«Ադեկվատ» միաբանության հիմնադիր Արթուր Դանիելյանի ֆեյսբուքյան գրառումը. «Հայ ժողովրդին էշի տեղ դնելու նպատակով հերթական դրվագն է հիմա բեմականացվում: Ողջ գրանտակեր/բյուջեալափ համայնքը լծվել է հանրությանը բացատրելու, որ ՀՀ բոլոր տնտեսական խնդիրները ԵԱՏՄ-ին անդամակցելու պատճառով են: Հիմնական շեշտը դրվում է Հայաստանում ապրելու բարձր գնի վրա: Ըստ սրանց՝ Հայաստանում ամեն ինչի գինը բարձր է, քանի որ ԵԱՏՄ-ի մաքսատուրքերը թույլ չեն տալիս էժան ապրանք բերել ԵՄ-ից: Ու ոչ մեկ չի բացատրում, թե ինչու է այդ դեպքում նույն ամեն ինչը շատ ավելի էժան հենց ՌԴ-ում կամ ասենք՝ Ղազախստանում ու Ղրղզստանում:
Կյանքի թանկացման իրական պատճառը հենց էս գրանտակերներին սնուցող համակարգի փչած տնտեսական փուչիկն է, ու սա տնտեսագիտական աքսիոմա է ողջ աշխատհում: Հենվելով Դեվիդ Ռիկարդոյի տեսության վրա՝ տնտեսագետ Հենրի Ֆաջը այս ֆենոմենը ներկայացրել է 2024 թվականին իր «Rantier Black Hole» կոնցեպտի մեջ: Խոսքը «Վարձատուի սև խոռոչի» մասին է, երբ պետությունը արհեստականորեն սնուցում է անշարժ գույքի հանդեպ պահանջարկը, դա անխուսափելիորեն բերում է ամեն ինչի կտրուկ թանկացմանը:
Այսինքն պատճառը, որ Վրաստանում կյանքը շատ ավելի էժան է, քան Հայաստանում, նրանից չէ, որ վրացիք եվրոպական DCFTA-ի անդամ են, իսկ մենք՝ ԵԱՏՄ-ի: Պատճառն այն է, որ Վրաստանում համադրելի անշարժ գույքը շատ ավելի էժան է, քան՝ Հայաստանում: Հետևաբար ավելի էժան է խանութի ու ռեստորանի տարածքի վարձավճարը, ինչպես նաև այդ խանութում աշխատող մարդու բնակարանի գինն ու վարձավճարը: Հայաստանը, ունենալով Կովկասի ամենախնդրահարույց տնտեսությունը, հիմա ավելի թանկ անշարժ գույք ունի, քան աշխարհի ամենազարգացած երկրները, բայց աշխատավարձները բնավ աշխարհի առաջատարներից չեն:
ՀՀ կառավարությունը բռնել, կրկնապատկել է պետական պարտքը, բայց դրա շնորհիվ էականորեն հարստացրել է հարուստներին ու իշխանավորներին, և էականորեն աղքատացրել միջին ու խոցելի խավերին: Իսկ սա քողարկելու համար պետական հիմնարկները ուղղակի կեղծ թվեր են տարածում ու վճարում քարոզիչներին, որ դա գովազդեն:
Արդարադատության տապալման մեղավորները նախկիններն էին: Դպրոցաշինության տապալման մեղավորները՝ փնթի կապալառուները: Առողջապահության տապալման մեղավորները՝ «չտես թոշակառուները»: Արցախը հանձնեցին «չկռվող» արցախցիք: Ձուկն ու կոնյակը չի ծախվում, որովհետև լավ չեն աճեցնում: Փողոցներում ամեն օր իրար գռսում են, որտև անդաստյարակ ժողովուրդ ա: Երևանի խցանումները դե Օպելով «համբալներն» են անում: Տնտեսությունը տապալել ա ԵԱՏՄ-ն: Աղքատությունն էլ դե, հազար ասինք, մարդկանց ուղեղներում ա...
Իսկ ասենք Կոնջորյան Հայկը Աժ փոխնախագահ է, որտև գերազանց պետական գործիչ ա և փայլուն տիպ առհասարակ: Իրենք բոլորը գերազանց կադրեր են, ուղղակի աշխարհն ա թարս ու նախևառաջ հայերը...»։