«Բա որ վաղուց խնդիր կա, ինչո՞ւ միջոցներ չեք ձեռնարկել»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է․ «Բոլորը մեղավոր են, բացի իրենից։ Նիկոլ Փաշինյանը 9-րդ տարին է, ինչ թագավորական լիազորություններ ունենալով՝ ոչ մի բանի համար իրեն պատասխանատու և մեղավոր չի համարում։ Նա հայտարարել է, որ ինքը վաղուց աճեցված ձուկ չի ուտում, որովհետև այդտեղ որակի խնդիր կա։ Բա որ վաղուց Հայաստանում աճեցված ձկան որակի խնդիր կա, կառավարությունը, վարչապետը ինչո՞ւ միջոցներ չեն ձեռնարկել այդ ուղղությամբ, վտանգելով ձուկ օգտագործողների, այդ թվում՝ Հայաստանի հպարտ քաղաքացիների առողջությունը։ Փաշինյանը վաղուց հայկական ծիրան, պոմիդոր, վարունգ, պղպեղ, հանքային ջուր «Ջերմուկ», կոնյակ չի՞ օգտագործել, դրանցո՞ւմ էլ որակի խնդիրներ կան, որ Ռուսաստանն արգելել է դրանց ներմուծումը»։