Մեկ անձ ձերբակալվել է

Աժ «Քաղաքացիական պայմանագիր» խմբակցության ղեկավար Հայկ Կոնջորյանի եղբայրը՝ Ավետ Կոնջորյանը, օրեր առաջ ծեծի է ենթարկվել։ «Հիվանդանոցում եմ, ինձ լավ չեմ զգում»,- «Ֆակտոր»-ի զանգին ի պատասխան ասել է քաղաքական գործչի եղբայրը և անջատել հեռախոսը։ ՆԳՆ-ից լրատվականին փոխանցել են, որ հուլիսի 25-ին՝ ժամը 14։00-ի սահմաններում, դեպքի վերաբերյալ հաղորդում է ստացվել։ «Ձեռնարկված անհետաձգելի և ծավալուն գործողությունների արդյունքում մեկ անձ ձերբակալվել է»,- նշել է ՆԳՆ ՀՀԻՎ պետի տեղակալ Էրիկ Աստվածատրյանը։ Քննչական կոմիտեից էլ հայտնել են, որ դեպքի առթիվ ՀՀ քննչական կոմիտեի Կոտայքի մարզային քննչական վարչությունում նախաձեռնվել է քրեական վարույթ՝ մի խումբ անձանց կողմից ֆիզիկական ներգործության և խուլիգանության հատկանիշներով: «Մեկ անձ ձերբակալվել է: Քրեական վարույթի նախաքննությունը շարունակվում է՝ միջադեպի մյուս մասնակիցներին հայտնաբերելու ուղղությամբ»,- ասել է ՔԿ մամուլի քարտուղար Կիմա Ավդալյանը:

Մանրամասները՝ սկզբնաղբյուրում: