«Ես ցուցումներ եմ տալիս. տնօրենի որոշմամբ իրականացվել է հաստիքների փոփոխություն և ազատումներ». Անահիտ Ավանեսյան

«Լիլիթ Ղազարյանը հանդիսանում է մեր դեղերի փորձագիտական ՊՈԱԿ-ի տնօրենի տեղակալ: Նրա ազատման որոշումը ընդունել է ղեկավարը»,- ճեպազրույցի ժամանակ հայտնել է Առողջապահության նախարար Անահիտ Ավանեսյանը՝ ի պատասխան հարցին, թե արդյոք իր ցուցումով են աշխատանքից ազատել Էդգար Ղազարյանի քրոջը: «Ինչ վերբերում է մանիպուլացիաներին, եթե դրանք իրականություն լինեին, Լիլիթ Ղազարյանը կազատվեր 6 տարի առաջ: Ես ցուցումներ և հանձնարարականներ տալիս եմ, տնօրենի որոշմամբ իրականացվել է հաստիքների փոփոխություն և ազատումներ»,-ասել է Ավանեսյանը և, ի պատասխան հարցին, թե այսինքն դուք կապ ունե՞ք իր ազատման հետ, նշել է. «Չկա իմ համակարգում կատարվող մի բան, որ կապ չունենամ ես»: