Ծեծկռտուք՝ Երևանի ավագանու նիստին

Երևանի ավագանու նիստի ժամանակ իրավիճակը լարվեց ընդդիմադիր և ՔՊ-ական անդամների միջև: Սուր ելույթներին հաջորդեցին հրմշտոցն ու ծեծկռտուքը: Մասնավորապես, փոխքաղաքապետ Սուրեն Գրիգորյանն իր ելույթում ասաց. «Պարո՛ն Գևորգ Ստեփանյան, ասում եք՝ մանդատները գողացել եք, ի՞նչ մանդատ եք ունեցել, որ գողացել ենք...Դուք էդ քվեն չունեք, էդ լեգիտիմությունը չունեք...Թարգեք բարձր-բարձր խոսելն ու առերեսվեք իրականության հետ»: Դահլիճում իրարանցում սկսվեց: Փոխքաղաքապետ Արմեն Փամբուխչյանը, դիմելով «Մայր Հայաստան» խմբակցության անդամներին, ասաց. «Դուք գնացեք, ձեր պետական դավաճանության մեջ մեղադրվող լիդերի մասին մտածեք, ու տեղից էլ վեր-վեր չթռնեք ելույթների ժամանակ»: Կրքերը լարվեցին, հրմշտոց ու ծեծկռտուք սկսվեց: