Երևան`   +23 °C
Այսօր`   Կիրակի, 07 հունիսի, 2026 թ.

«Շատ դեպքերում պատմությունը գրվում է վերջին պահին». Վահե Դավթյան

73
Այսօր, 19:06
«Շատ դեպքերում պատմությունը գրվում է վերջին պահին». Վահե Դավթյան

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Մոտ մեկ ժամ անց կավարտվեն նորանկախ Հայաստանի թերևս ամենախորհրդանշական ու ամանանյարդային ընտրությունները՝ ոչ միայն քաղաքական, այլև աշխարհաքաղաքական իմաստով։
Մասնակցության դինամիկան լավն է։ Քաղաքացիների ակտիվությունը բարձր է, և դա արդեն իսկ կարևոր քաղաքական ուղերձ է։ Բայց հենց հիմա, վերջին ժամին, յուրաքանչյուր լրացուցիչ քվեն կարող է ունենալ որոշիչ նշանակություն։
Քաղաքական գործընթացներում հաճախ որոշիչ են ոչ թե մեծ ռազմավարությունները, այլ վերջին պահին կայացված որոշումները։ Շատ դեպքերում պատմությունը գրվում է վերջին պահին, վերջին տոկոսներով, վերջին քվեներով։
Եթե դեռ չեք մասնակցել, օգտագործեք այս վերջին հնարավորությունը։ Գնացեք ընտրատեղամաս։ Քվեարկեք։
Մնացել է ընդամենը մեկ ժամ։ Վաղը արդեն ուշ կլինի վերլուծելու, դժգոհելու կամ արդարացումներ փնտրելու համար։
Այս պահին կա միայն մեկ հարց՝ օգտվե՞լ սեփական քաղաքական իրավունքի ուժից, թե՞ թողնել, որ որոշումը կայացնեն ուրիշները»։

Աղբյուրը`   Վահե Դավթյան