«Ութ տարվա փաշինյանական աղբն անհնար է մի գրառման մեջ տեղավորել»․ Կարինե Հարությունյան

Լրագրող Կարինե Հարությունյանի ֆեյսբուքյան գրառումը․ «1 հունիսի, 2026 թվական։
27 սեպտեմբեր, 2020 թվական։
Քանի՞ երեխա կարող էր ծնվել այս ժամանակամիջոցում։
Ո՞ւմ փառասիրության պատճառով չծնվեցին այդ երեխաները։
Ո՞վ էր, որ մերժեց բանակցությունները և հայտարարեց, որ սկսում է իր կետից՝ զրոյական կետից։
Ո՞վ էր, որ մերժեց 2019թ․-ին միջազգայյին հանրության առաջարկությունը՝ հանձնել 5 շրջանները։
Ո՞վ էր, որ հայտարարեց՝ եթե մենք հանձնեինք այդ շրջանները, նույն արդյունք էինք ունենալու՝ առանց զոհերի։
Ո՞վ էր, որ ստորադասեց հազարավոր մարդկային կյանքերն իր փառասիրությունից ու պաշտոնից։
Ո՞վ էր, որ թշնամուն հանձնեց Լեռնային Ղարաբաղի/Արցախի Հանրապետությունը։
Ո՞վ է, որ թշնամուն է զիջել Հայաստանին 240 քառ․ կմ տարածքը և Հայաստանի փոքրացրած քարտեզը կրծքին այս օրերին շրջում է Հայաստանում՝ ձայն մուրալով։
Ո՞վ է, որ վիրավորում է ժողովրդին՝ ասելով՝ դուք ինչի՞ չեք մեռել։
Ո՞վ է, որ կարող է քաշքշել իրեն հարց տվող տիկնոջը, բերանը փակել տալ թոռ կորցրած ալեհեր տղամարդուն, ձերբակալել տալ իրեն հարց տվող տղամարդուն, որն այսօր հացադուլի մեջ է, իր դեմ խոսող ցանկացած մեկին բան նետել, ելնել եկեղեցու դեմ, անպատիվ ու փողոցային բառապաշար օգտագործել, զազրախոսել, հաջորդ րոպեին ասել՝ ես նման բան չեմ ասել, ո՞վ է, որ․․․
Կարող եք ինքներդ շարունակել։
Ութ տարվա փաշինյանական աղբն անհնար է մի գրառման մեջ տեղավորել»։