Գուտերեշը Հորմուզի նեղուցի վերաբերյալ հանդես է եկել կոչով

Հորմուզի նեղուցի փակումը հանգեցրել է էներգիայի և պարարտանյութերի գների կտրուկ աճի, ուստի նեղուցը պետք է լիովին վերաբացվի առանց սահմանափակումների: Այս մասին Նայրոբիում կայացած մամուլի ասուլիսում հայտարարել է ՄԱԿ-ի գլխավոր քարտուղար Անտոնիո Գուտերեշը:
«Մենք տեսել ենք գների կտրուկ աճ Հորմուզի նեղուցի փակման պատճառով, և այդ պատճառով մենք կարծում ենք, որ անհրաժեշտ է այն լիովին և առանց սահմանափակումների վերաբացել: Մենք կոչ ենք արել երկու կողմերին էլ դա անել: Սա էներգիայի և պարարտանյութերի գները նախապատերազմյան մակարդակին վերադարձնելու միակ միջոցն է, և սա կենսական նշանակություն ունի Քենիայի նման երկրների համար», - ասել է Գուտերեշը:

ՄԱԿ-ի գլխավոր քարտուղարի խոսքով՝ մի քանի երկրներ արդեն իսկ բախվում են պարարտանյութերի պակասի պատճառով պարարտանյութերի ճգնաժամի վտանգի հետ: «Մենք հիմա մտնում ենք ցանքի սեզոն, և առանց պարարտանյութի կարող ենք պատկերացնել, որ հաջորդ տարի մենք ռիսկի ենք դիմում լուրջ պարենային անվտանգության մարտահրավերի: Սա այն պահն է, երբ Հորմուզի նեղուցի առանց սահմանափակումների վերաբացումը հրամայական է ամբողջ միջազգային հանրության շահերից ելնելով», - ընդգծեց նա: