Լրագրողներն ուսումնասիրում են ՀԴԲ-ի գաղտնազերծած տվյալները ՉԹՕ-ների վերաբերյալ

Փենթագոնի կողմից հրապարակված՝ ՉԹՕ-ների վերաբերյալ գաղտնազերծված նյութերում լրագրողները հայտնաբերել են մարդկանց և անհայտ թռչող օբյեկտների անձնակազմի միջև ենթադրյալ հանդիպումների մասին պատմություններ։ Հատկապես ուշադրություն է գրավել ՀԴԲ-ի՝ 1966 թվականի ներքին զեկույցը, որը հիմնված է 1965 թվականի ՉԹՕ-ների շարքի ականատեսների վկայությունների վրա։

Փաստաթղթերի համաձայն՝ մեկ վկա պնդում է, որ տեսել է վայրէջք կատարած անհայտ օբյեկտ, որից դուրս են եկել մոտ մեկ մետր բարձրությամբ էակներ։ Նա ասել է, որ նրանք տիեզերական համազգեստներ և սաղավարտներ էին կրում։ Զեկույցում նաև նշվում է օբյեկտների՝ բարձր արագությամբ լուռ տեղաշարժվելու, օդում կախված մնալու և հանկարծակի անհետանալու ունակության մասին։

Փաստաթղթում ներկայացված նկարագրությունների համաձայն, ՉԹՕ-ները նկարագրվել են՝ որպես «փայլեցված մետաղական առարկաներ», որոնք կարող էին այնքան ինտենսիվ ջերմություն և լույս արձակել, որ նույնիսկ այրվածքներ էին պատճառում չափազանց մոտ գտնվողներին։

Նաև նշվում է, որ առարկաները կարող էին փոխել գույնը՝ վառ սպիտակից մինչև կարմիր և նարնջագույն, և երբեմն ցուցադրում էին լույսի կուրացնող փայլատակումներ։

Էդվարդսը դիտարկվող առարկաները դասակարգել է ըստ ձևի՝ մինչև 90 մետր երկարությամբ սիգարաձև սարքեր, մի քանի մետրից մինչև տասնյակ մետր տրամագծով սկավառակաձև առարկաներ և ձվաձև ձևեր, որոնք, ըստ նրա, առավել հաճախ դիտվել են ավելի ուշ ժամանակահատվածում։

Փաստաթղթում ՉԹՕ-ների վարքագծի նկարագրությունները հատկապես տարօրինակ են. դրանք, իբր, կարող էին անաղմուկ շարժվել մեծ արագությամբ, սավառնել օդում, ապա կտրուկ արագանալ՝ թողնելով լուսային հետքեր։

Փաստաթղթում նաև հավաստիացվում է, որ որոշ հաղորդագրություններ ստացվել են «հուսալի վկաներից», այդ թվում՝ ոստիկաններից, զինվորականներից և քաղաքացիական ավիացիայի օդաչուներից։

Ավելին, փաստաթուղթը պարունակում է հղումներ անհայտ օբյեկտների բեկորների ենթադրյալ հայտնաբերման մասին: Նյութերի թվում են մագնեզիումի համաձուլվածքներ և «անհայտ գերկարծր մետաղ», որը պարունակում է մանրադիտակային գնդիկներ և միկրոմետեորիտի բախման հետքեր։

Հուշագիրն ավարտվում է այն ենթադրությամբ, որ ապագայում կարող է տեղի ունենալ ՉԹՕ-ի «հստակ վայրէջք» կամ Երկրի հետ անմիջական շփում։

Արխիվի՝ վերջերս հրապարակված տարբերակը ներառում է 162 փաստաթուղթ, այդ թվում՝ լուսանկարներ, տեսանյութեր և ՉԹՕ-ների դիտարկումներ, որոնք թվագրվում են 1947 թվականին, երբ հաղորդվել էր «թռչող սկավառակի» մասին։