«ՀՀ սահմանադրությունը ներքին հարց է, որը վերաբերում է ՀՀ-ին»․ Արարատ Միրզոյան

ՀՀ սահմանադրությունը դա ներքին հարց է, ներքին թեմա է, որը վերաբերում է ՀՀ-ին։ Այս մասին «Երևանյան երկխոսություն» ֆորումի ժամանակ հայտարարել է ԱԳ նախարար Արարատ Միրզոյանը՝ պատասխանելով Լեհաստանի միջազգային հարաբերությունների ինստիտուտի ներկայացուցչի հարցին։ «Սահմանադրության թեման չկա երկկողմանի օրակարգում, Հայաստանի և Ադրբեջանի միջև բանակցությունների օրակարգում։ Բայց սա նրանց ընկալումն է, նրանք այդպես են ասում, ես այդպես եմ լսել շարունակաբար, որ նրանք պատրաստ չեն ստորագրելու և վավերացնելու խաղաղության համաձայնագիրը, որը նախաստորագրել ենք, եթե մենք չփոխենք Սահմանադրությունը։ Բայց մենք կարծում ենք, որ ՀՀ-ի սահմանադրությունը դա ներքին հարց է, ներքին թեմա է, որը վերաբերում է ՀՀ-ին։ Հավանաբար հանրաքվե կունենանք Սահմանադրության հետ կապված, բայց սա միջազգային գործընկերների հետ քննարկվելիք թեմա չէ, սա մեր ներքին հարցն է»,- նշել է Միրզոյանը։