«Եվոպական քաղաքական համայնքի բոլոր անդամներին սպասում ենք՝ ներառյալ Ուկրաինայի նախագահին»․ Նիկոլ Փաշինյան

Կառավարության ճեպազրուցի ժամանակ անդրադառնալով հարցին՝ Եվրոպական համայնքի գագաթնաժողովի շրջանակում Ուկրաինայի նախագահ Վոլոդիմիր Զելենսկուն սպասո՞ւմ են Հայաստանում, նրան հրավեր ուղարկվե՞լ է, վարչապետ Նիկոլ Փաշինյանը պատասխանեց. «Եվոպական քաղաքական համայնքի բոլոր անդամներին սպասում ենք, այո՛, ներառյալ Ուկրաինայի նախագահին»:

Հիշեցնենք, որ մայիսի 4-5-ը Հայաստանում նախատեսվում է անցկացնել Եվրոպական քաղաքական համայնքի 8-րդ գագաթնաժողովը, որն ընթանալու է «Կերտելով ապագան․ միասնություն և կայունություն Եվրոպայում» կարգախոսի ներքո։ Գագաթնաժողովին մասնակցելու համար ՀՀ-ն հրավերներ է ուղարկել 5 տասնյակ երկրների ղեկավարների։