«Ես այսպիսի կզած նկար չունեմ»․ «Բաժակ եմ չխկացնում․ եթե մի անգամ էլ վիրավորեք․․․ »․ վեճ Արման Թաթոյանի և Պետրոս Ղազարյանի միջև

«Այս իշխանությունները վամպիրի պես սնվում են այն սխալներից, որոնք թույլ են տրվել նախկին նախագահների ժամանակաշրջանում»,- այս մասին Հանրայինի եթերում ասաց ՀՀ նախկին ՄԻՊ, «Միասնության թևեր» կուսակցության վարչապետի թեկնածու Արման Թաթոյանը։

«Այդ թվում նաև դուք եք սխալներ թույլ տվել»,- դիմելով Թաթոյանին՝ ասաց հարցազրույցը վարող Պետրոս Ղազարյանը, ինչին ի պատասխան Թաթոյանն աձագանքեց․ «Ես մշտապես արել եմ այն, ինչը վերաբերել է մարդու պաշտպանությանը, իմ բնագավառում ես ամեն ինչ արել եմ․ հիմա առավել ևս մարդը պաշտպանված չէ»։

«Սերժ Սարգսյանն ասել է, որ իր փոխնախարարն եք եղել․․․ Պարոն Թաթոյան, դուք էլ երկրորդ պլանի նախկին եք, ստացվում է՝ դուք մաքուր աշխատել եք, վերևներում՝ ոչ»,- ի պատասխան Ղազարյանի այս դիտարկման՝ Թաթոյանը նշեց, որ ինքը երբեք ՀՀԿ անդամ չի եղել։ Եվ ցույց տալով մի լուսանկար, որտեղ Սերժ Սարգսյանը և Պետրոս Ղազարյանն են՝ Թաթոյանն ասաց․ «Ես այսպիսի «կզած» նկար չունեմ։ Ես արժանապատիվ միշտ կատարել եմ իմ աշխատանքը և ոչ թե այսպիսի դերում եմ հայտնվել»։

«Եթե մի անգամ էլ վիրավորեք, ես ուրիշ ձև ձեզ կանդրադառնամ․․․ Բաժակ եմ խփում Սերժ Սարգսյանի հետ․․․ Ես Քոչարյանի հետ էլ եմ չխկացրել, Լևոն Տեր-Պետրոսյանի հետ էլ»։