«Գագաթնաժողովը Նիկոլ Փաշինյանը փորձելու է վերածել նախընտրական քեֆի»․ Արմեն Աշոտյան

«Երբ եվրոպական առաջնորդները որոշում կայացրեցին համաժողովը հենց այս ժամանակահատվածում կազմակերպել Երևանում, ակնհայտ էր, որ որոշել են գալ, որպեսզի իրենց քաղաքական աջակցությունը հայտնեն Հայաստանում գործող դավաճանական ռեժիմին։ Եվ սա է գագաթնաժողովի բուն ուղերձը, ինչը մերժելի է որպես երևույթ, որովհետև իր մեջ պարունակում է նախընտրական հստակ էլեմենտներ»,- այսօր ասուլիսի ժամանակ հայտնել է ՀՀԿ փոխնախագահ Արմեն Աշոտյանը՝ անդրադառնալով մայիսի 4-5-ը Երևանում կայանալիք Հայաստան-ԵՄ գագաթնաժողովին։ «Այս ձևաչափը լավն է, այն պետք է մի օր գար Հայաստան, վատ է, որ գալիս է Հայաստան հենց այս ժամանակահատվածում և այս մտադրությամբ։ Գագաթնաժողովը Նիկոլ Փաշինյանը փորձելու է վերածել իր նախընտրական քեֆի»,- հավելել է Աշոտյանը։