«Սպանվածը ատամնաբույժ է. շունը կոշիկը տարել է տուն, դուրս են եկել, տեսել՝ բակում ընկած». Մրգաշենի ղեկավար

Ինչպես ավելի վաղ հայտնել էինք՝ այսօր դանակահարության հետևանքով Մրգաշենի բնակիչ է մահացել:

«Սպանված քաղաքացին 1974 թվակնին ծնած Արթուր Ավագյանն է: Ամուսնացած է ունի 3 անչափահաս երեխա: Մեր գյուղի ատամնաբույժնա, նաև մեղվաբուծությամբ էր զբաղվում»,- լրագրողների հետ զրույցում ասել է Մրգաշեն վրչական շրջանի ղեկավար Հարությունյան Սիրեկանը:

Նա հայտնել է, որ սպանվածը ընտանիքով ընդամենը մի քանի ամիս առաջ է տեղափոխվել նոր տուն, որի բակում էլ տեղի է ունեցել դանակահարությունը:

«Տանը կինն է եղել, ում վիճակը հիմա շատ ծանր է: Կծկտուր բաներ գիտենք, մեկ ասում էր, որ զանգեցին, դուրս եկավ, հետո ասում էր՝ կանչեցին, դուրս եկավ: Ինքն էլ շոկի մեջ է, ինքն էլ արդեն չի հասկանում: Այսինքն՝ կանչել կամ զանգել են, դուրս է եկել: 10 րոպե հետո իրենց շունը իր կոշիկը տարել է ներս, տեղից ընտանիքը իմացել է, որ ինչ-որ բան այն չի: Դուրս են եկել, վազել են, տեսել՝ բակում ընկած: Էստեղա մահացել, դանակի մի քանի հարված է եղել»,- մանրամասնել է գյուղի ղեկավարը և նշել, որ սպանվածը երբևիցե որևիցե մեկի հետ խնդիր չի ունեցել, «միշտ օգնող, հասնող է եղել, բարի, աշխատասեր, իր ընտնիքով անձնավորություն»: