«Դատարանի վճռով հազարավոր ծառերի հատումները դուրս են բերվում պարտադիր փորձաքննության դաշտից». Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը՝ կից տեսանյութով. «Ներկայացնում եմ դատարանի վճիռը 2023-ից ի վեր իրականացվող ծառահատումների վերաբերյալ՝ հայցը մերժել, ՇՄԱԳ-ի անհրաժեշտություն նոր օրենքով չի պահանջվում։
Հիմա ամենահետաքրքիրը.
ուշագրավ մի փաստ՝ անհասկանալի պատճառով, 03.05.2023թ. ՀՀ ՇՄԱԳ -ի մասին օրենքը փոխվում է և հազարավոր ծառերի հատումները դուրս են բերվում պարտադիր փորձաքննության դաշտից (կցված է):
Եվս մեկ փաստ, 2023թ. մարտ և ապրիլ ամիսներին, երբ հատվեցին Մոսկովյան, Սայաթ-Նովա և Ուլնեցի փողոցների ծառերը գործում էր ՇՄԱԳ փորձաքննության մասին հին օրենքը և լիազոր մարմինը պարտավոր էր այն իրականացնել, ինչը չի արվել, օրենքը խախտվել է և ոչ մի պատասխանատվություն։
Մենք եզակի երկիր ենք, որտեղ փողոցներում ծառերի առկայությունը, կամ դրանց բացակայությունը ոչ մի ազդեցութուն միջավայրի և բնակչության առողջության վրա չունի։ Ամբողջ աշխարհում փողոցների երկայնքով ծառերը օդափոխության միջանցքներ են և քաղաքի կանաչ կմախքի անսասան մասը։ Բազմիցս եմ ասել, որ նման հատումները ուղիղ սպառնալիք են հանրային առողջությանը։
Ոչ մի կոռուպցիա չկա, ինչ օրենք երբ ցանկանան կփոխեն… Երևի կրկին «նախկիններն են» մեղավոր…
Կցում եմ դատարանում իմ ելույթը և ՇՄՆ նախարարի նամակը»։