«Կամ երկաթյա սյունը կամ այս թեղիները՝ դրանք միևնույն բանն են»․ Արմեն Բեգոյան

«Ճիշտ չէ Երևանի առանց այն էլ քիչ կանաչ տարածքներն զբաղեցնել այս թեղիներով։ Կամ երկաթյա սյունը կամ այս թեղիները՝ դրանք միևնույն բանն են, ավելին, էկոլոգիական առումով այս թեղիներն ավելի վատ են, քան երկաթյա սյունը»,- այսօր Երևանի Պարոնյան-Պռոշյան փողոցների հատվածում, որտեղ պետք է կատարվեն թեղի տեսակի ծառերի փոխարինման աշխատանքներ, ճեպազրույցի ժամանակ հայտարարեց «Կանաչապատում և շրջակա միջավայրի պաշտպանություն» ՀՈԱԿ-ի տնօրեն Արմեն Բեգոյանը։ «Եթե երկաթյա սյունը ոչ մի հիվանդություն չի տարածում, ապա այս չեղած ծառերը հանդիսանում են վնասատուների, ժողովրդական լեզվով՝ որդ ու բլոճների ձմեռման, բարգավաճման տեղեր, որոնք այնուհետև տեղափոխվում են քաղաքի ամբողջ կանաչ զանգվածի վրա»,- շարունակեց Բեգոյանը։