«Առանց ՆԱՏՕ-ի ընդլայնումը կանխելու, Ուկրաինայի հարցի կարգավորումն անհնար է»․ Զախարովա
 Ռուսաստանը ռազմական կամ քաղաքական մեթոդներով հասնելու է ՆԱՏՕ-ի ընդլայնման հարցի լուծմանը. առանց այս խնդրի լուծման՝ Ուկրաինայում հակամարտության կարգավորումն անհնար է։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ի պատասխան Վլադիմիր Զելենսկու՝ ՌԴ-ին ուղղված Բուդապեշտի հուշագիրը խախտելու մեղադրանքների։ «Ուկրաինան պաշտոնապես հրաժարվել է 1990-ականներին այլ պետությունների կողմից իր միջազգային ճանաչման հիմքերից մեկից՝ չեզոք և արտադաշինքային կարգավիճակից՝ դրանով իսկ խախտելով նաև 1994 թվականի Բուդապեշտի հուշագիրը։ Իսկ դաշինքի կողմից աշխարհաքաղաքական տարածքի ընդլայնումը մինչև մեր սահմանները, ներառյալ Ուկրաինան, դարձել է հակամարտության հիմնական պատճառներից մեկը։ Առանց դրա վերացման, անհնար է նաև դրա կարգավորումը։ Ռուսաստանն այդ խնդրի լուծմանը հասնելու է ռազմական կամ քաղաքական մեթոդներով։ Մենք արդեն տարբեր տարբերակներ ենք առաջարկել»,- նշել է Զախարովան։ Նրա խոսքով՝ Ուկրաինայի տարածքային ամբողջականության կորուստը ներքին գործընթացների արդյունք է, որն առնչություն չունի Ռուսաստանի և Բուդապեշտի հուշագրով նրա պարտավորությունների հետ։ Նշենք, որ Ուկրաինան ցանկանում է անդամակցել ՆԱՏՕ-ին: |
«Պետք է կազմակերպվի կոշիկ մաքրելու փառատոն՝ «Վարչակեղտ»»․ Էդգար Ղազարյան
5700:48
«Ուկրաինային առաջակվում է կապիտուլյացիա, բայց Զելենսկին կարող է չընդունել»․ Թաթուլ Հակոբյան
4700:36
«Առանց որոշակի ռեսուրսների՝ հակաթուրքական թեզերը կյանքի կոչել հնարավոր չէ»․ Հայկ Այվազյան
8400:18
Իրանի նախագահը հաջորդ շաբաթ կայցելի Ռուսաստան
8400:06
«Փորձում են համոզել, թե տնտեսության անկումը ՀՀ ինքնիշխանությունն ամրապնդող գործոն է»․ Արման Աբովյան
111Երեկ, 23:54
«Ընդդիմությունը դեմ չէ համապետական նոր ընտրություններին․ ինչո՞ւ»․ Մարիա Կարապետյան
92Երեկ, 23:36