«20 տարի առաջ ի՞նչ խաղեր ես տալիս քո աթոռը պահելու համար»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Ատոմակայանը մինչև 2046 թվականը հնարավոր է շահագործել, դրանից 20 տարի առաջ ի՞նչ ես խաղեր տալիս։
Նիկոլ Փաշինյանը փետրվարի 11-ին, ԱԺ–ում կառավարության հետ հարցուպատասխանի ժամանակ հայտարարել է․ «Մենք հիմա գտնվում ենք Մեծամորի ատոմակայանի գործունեության ժամկետը մինչև 2036 թվականը երկարացնելու ցիկլի մեջ, որից հետո ևս մի փուլ, ենթադրվում է, 10 տարով ևս հնարավոր կլինի երկարացնել Մեծամորի ատոմակայանի գործունեությունը։ Այսինքն՝ եղավ 2036 և 2046. Այդ ընթացքում մենք պետք է կայացնենք որոշումներ։ Մենք նոր ատոմային ռեակտոր ունենալու հարցը քննարկում ենք Ռուսաստանի հետ, Միացյալ Նահանգների հետ, Ֆրանսիայի հետ, Չինաստանի հետ, Հարավային Կորեայի հետ, և մենք բոլոր մեր գործընկերներին թափանցիկ կերպով ասում ենք այդ մասին։ Սա ճակատագրական, ռազմավարական նշանակության որոշումը և որոշում կայացնելիս մենք պետք է համոզված լինենք, թե որ առաջարկն է մաքսիմալ համապատասխանում Հայաստանի Հանրապետության շահերին»։ 20 տարի դեռ կարելի է ատոմակայանը շահագործե;լ, դրանից 20 տարի առաջ ի՞նչ խաղեր ես տալիս ԱՄՆ-ի, Ռուսաստանի, Ֆրանսիայի, Չինաստանի հետ, որ նոր ատոմակայանի կառուցման հարցն օգտագործելով՝ նրանցից աջակցություն ստանաս քո աթոռը պահելու համար։ Թե՞ Թուրքիան և Ադրբեջանն են քեզ պարտադրում փակել մեր ատոմակայանը։ Անցած 8 տարում քո կայացրած ճակատագրական, ռազմավարական նշանակության բոլոր որոշումները չեն համապատասխանել Հայաստանի Հանրապետության շահերին, ատոմակայանի վերաբերյալ կայացվելիք որոշումն ինչո՞ւ պետք է համապատասխանի»։