«Քրիստոսին միայնակ թողնելու համար ներողություն խնդրողը դարձել է մուսուլմանական կամակատարության ենթակա անձ»․ Սևակ Խաչատրյան

Վաղարշապատի ավագանու «Հաղթանակ» խմբակցության ղեկավար Սևակ Խաչատրյանը ֆեյսբուքյան իր էջում գրում է. «Փաշինյանը գնում է իրավական բեսպրեդելության, միայն թե Ավստրիայում կայանալիք հոգևոր ժողովը խափանվի։ Իսկ պատճառն այն է, որ նա չի ցանկանում, որպեսզի Վեհափառ Հայրապետի մակարդակով ևս մեկ անգամ նշվի արցախահայության վերադարձի իրավունքի մասին։ Նա վախենում է Փաշազադեի սպասվելիք արձագանքից․․․տպավորություն է, որ նույն Փաշազադեն ավելի մեծ ներազդեցություն ունի Փաշինյանի հոգեկերտվածքի ու աշխարհընկալումների վրա, քանց թե Հայ Առաքելական Սուրբ Եկեղեցին։ Հիսուս Քրիստոսին միայնակ թողնելու համար ներողություն խնդրողն իր տեսակի մեջ դարձել է մուսուլմանական կամակատարության ենթակա անձ։
Մեր ամենավատ երազում, անգամ, չէինք կարող պատկերացնել, որ կունենանք մի այնպիսի իրականություն, որում մենք ապրում ենք այսօր։ Առաջիկայում մեզ տրվելու է բացառիկ լեգիտիմ շանս՝ չարի իշխանությունից ազատվելու համար, և ցանկացած գիտակից մարդ և Հայ Առաքելական Եկեղեցու հետևորդ իր պարտքը պետք է համարի օր ու գիշեր աշխատելն ու մաքառելը՝ երկիրը հակաքրիստոնյաներից ազատագրելու համար»։