««Նիկոլի Հայաստանը» վերածվել մի մեծ «Էփշտեյնի կղզու»․ Արմեն Աշոտյան

ՀՀԿ փոխնախագահ Արմեն Աշոտյանի ֆեյսբուքյան գրառումը․ ««Էպշտեյնի գործին» առնչվող մոտ երեք միլիոն փաստաթղթերի հրապարակման քննարկումները հասել են նաև հայկական մեդիատիրույթ և սոցցանցեր։
Դառը ժպիտով եմ հետևում այդ աժիոտաժին։
«Նիկոլի Հայաստանը» անբարոյականության հակառեկորդներով ինքն է վերածվել մի մեծ «Էպշտեյնի կղզու»։
Այն, ինչ այսօր կատարվում է մեր երկրում, շատ ավելի անբարո է, զզվելի և տմարդի։
Ավելին, գեոպոլիտիկ առումով ևս դառնում ենք նախկինում արգելված ֆանտազիաների վայր, որտեղ աշխարհի մեծերը սկսում են բավարարել սեփական թաքնված աշխարհաքաղաքական կարիքները։
Ուստի երբ Փաշինյանը հայ ժողովրդից կերտում է իր արժեքներն ու արժանապատվությունն ուրացող բնակչություն, այլոց աչքի գերաններն անգամ խամրում են գեոպոլիտիկ սեքս-տուրիզմի ուղղության վերածվող մեր դառն իրականության համեմատ»։