Ներքին Շենգավիթում ևս լույս չկա

Այսօր ժամը 16։00-ից հետո Ներքին Շենգավիթի բազմաթիվ բնակիչներ հոսանք չունեն։ Նրանք նշում են, որ մի անգամ են միայն կարողացել կապ հաստատել 180 զանգերի կենտրոն, որտեղից պատասխանել են՝ վթար է եղել ու առ այս պահը ոչ մի ծանուցում չկա ընթացքի վերաբերյալ։ «Իսկ հիմա՝ արդեն ժամը 20։00 է, ընդհանրապես զանգել չենք կարողանում, որովհետև անջատվում է զանգը։ Գոնե ծանուցեին համացանցով, իմանայինք՝ ի՞նչ իրավիճակ է, ե՞րբ լույս կունենանք։ Նոր տարվա օրով նման վերաբերմունքն անընդունելի է։ Պատրաստությունը մի կողմից, տան մեջ սառչելը մյուս կողմից»,֊ ասում են խմբագրություն դիմած քաղաքացիները։