Փաշինյանի խոսնակը՝ այս կիրակի Մայր Աթոռ գնալու տեղեկության մասին

Նիկոլ Փաշինյանի խոսնակ Նազելի Բաղդասարյանն անդրադարձել է տեղեկություններին, ըստ որի՝ Փաշինյանը ծրագրում է այս կիրակի իր կողմնակիցների, տիրադավ եպիսկոպոսների, ինչպես նաև կարգալույծ նախկին հոգևորականների ուղեկցությամբ մտնել Մայր Աթոռ, մասնակցել պատարագի ու հասնել նրան, որ Ամենայն Հայոց կաթողիկոսը հեռանա Վեհարանից և «հանգստի կոչվի»։ «Փաստինֆո»-ի հետ զրույցում Բաղդասարյանը նշել է․ «Վարչապետը յուրաքանչյուր կիրակի մասնակցում է պատարագին։ Նախորդ կիրակին բացառություն էր՝ արտերկրյա այցով պայմանավորված։ Առաջիկա կիրակի օրվա պատարագի վայրի վերաբերյալ լրացուցիչ տեղեկատվություն կհաղորդվի։ Հոդվածում վկայակոչված մնացյալ տեղեկատվությունը իրականությանը չի համապատասխանում»։