«Քաղաքացիները չգիտեն՝ մեկ ամիս հետո ի՞նչ բուժծառայություններ են ստանալու». Աննա Գրիգորյան

«Միակ բառը, որ կարող է բնորոշել ամբողջ քննարկումները, անորոշություն բառն է»,- «Առողջության համընդհանուր ապահովագրության մասին» օրենքի նախագծի քննարկման ժամանակ ելույթն այսպես սկսեց ընդդիմադիր խմբակցության պատգամավոր Աննա Գրիգորյանը: «ՀՀ քաղաքացիները չգիտեն՝ մեկ ամիս հետո՝ հունվարի մեկից, ի՞նչ տիպի ծառայություններ կարող են ստանալ: Անորոշություն՝ բուժհաստատությունների համար, որովհետև չկան հաստատված կլինիկական ուղեցույցներ, չկան բժշկական գործողությունների ստանդարտներ, չկան ախտորոշման ու բուժման միասնական մոտեցումներ»,- շարունակեց պատգամավորը: