ՆԳՆ ՓԾ-ն՝ նախկին դաշնամուրի գործարանում փլուզման մասին

Ինչպես հայտնել էինք, այսօր՝ դեկտեմբերի 1-ին, ժամը 10։12-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Շիրակի փողոցում գտնվող նախկին դաշնամուրի գործարանում տեղի է ունեցել փլուզում։ Պարզվել է, որ մասամբ փլուզվել է Շիրակի փողոցում գտնվող եռահարկ շենքը՝ յուրաքանչյուր հարկը մոտ 430 քմ (ծառայել են որպես պահեստային, արտադրական և գրասենյակային տարածքներ)․ առկա է գազի արտահոսք։

Փրկարարները դադարեցրել են գազի արտահոսքը, սահմանազատել տարածքը և իրականացրել ճանապարհահատվածի լվացման աշխատանքներ։

Մեկ տուժած հոսպիտալացվել է բժշկական կենտրոն։