Չինաստանում ռոբոտը քայլել է 106 կմ՝ սահմանելով Գինեսի նոր ռեկորդ

Չինական արտադրության մարդանման ռոբոտը սահմանել է Գինեսի նոր ռեկորդ՝ առանց կանգառի քայլելով 106 կիլոմետր։ Այս մասին հաղորդում է China Daily Asia-ն:

Agibot-ի A2 ռոբոտը Սուչժոուից դուրս է եկել նոյեմբերի 10-ի գիշերը և հասել Շանհայի Բունդ՝ նոյեմբերի 13-ի վաղ առավոտյան։ Արագ փոխարինվող մարտկոցային համակարգը թույլ է տվել ռոբոտին շարունակել իր ճանապարհորդությունը մինչև վերջնագիծ հասնելը՝ անցնելով 106 կիլոմետր և 286 մետր հեռավորություն։ Ռոբոտն անցել է ասֆալտապատ ճանապարհներով, քարե մայթերով և կամուրջներով՝ հետևելով երթևեկության կանոններին։