«Մարդկանց ճակատագրի հետ խաղալը չի կարող անվանվել պետական մտածողություն»․ Էրիկ Բեգլարյան

Արցախի փաստաբանների պալատի նախագահ Էրիկ Բեգլարյանի ֆեյսբուքյան գրառումը. «Լսի՛, Նիկո՛լ։ Մինչև ե՞րբ ես շարունակելու մարդկանց աչքերում փոշի փչել ու իրականությունը կամայական ներկայացնել։ Մեկ օր հայտարարում ես, թե իբր հարգանքով ես վերաբերվում արցախցիներին, իսկ հետո հավելում, որ եթե այդպես չլինի, բանակի ամբողջ վերնախավը արցախցի չի լինի։
Բայց եկե՛ք ազնիվ լինենք։ Բանակի հրամանատարական կազմում արցախցիները գերակշռում են ոչ թե որովհետև դու նրանց «շատ ես սիրում», այլ որովհետև նրանք իրական փորձ, ռազմական գիտելիք, պատերազմների անցած ճանապարհ ունեն։ Բացի դրանից՝ պարզապես չունես համապատասխան կադրային ռեսուրս, որը կարողանար փոխարինել այդ փորձը։
Եթե դու իրոք այդքան հարգանքով ես վերաբերվում արցախցիներին, ապա ո՞ւր էիր 2023 թվականին, երբ նրանք իրական օգնության էին սպասում։ Ինչո՞ւ այն ժամանակ չկատարեցիր քո ղեկավարի պարտականությունը և չկանգնեցիր արցախահայության կողքին՝ նրանց թողնելով մենակ՝ պատերազմի դաշտում, շրջափակման, սովի ու սպառնալիքների մեջ։
Քո կառավարությունը լկտիության չափ ու սահման չունի, մի հատ էլ այդքանից հետո հայտարարում են, որ արցախցին չկռվեց։
Եթե այդքան մեծ հարգանք ունես արցախցիների հանդեպ, ապա ինչո՞ւ այսօր աշխատանքի ես ընդունում զինծառայողների, բայց ոչ՝ Արցախի դատախազական ու դատական համակարգի փորձառու մասնագետներին, ովքեր տարիներով պետություն են կառավարվել, օրենք են պահել, իրավական համակարգ են ստեղծել։
Հաաաա ձեռ չի տալի՞ս, Նիկոլ ջան։
Ու եթե իսկապես սիրում կամ հարգում ես արցախցիներին, ապա ինչո՞ւ ամբողջությամբ չհատուցեցիր նրանց կորուստները, չապահովեցիր ընտանեկան, սոցիալական, սոց-հոգեբանական երաշխիքները։ Դա քո ուղիղ պարտականությունն էր, ոչ թե բարեսրտության դրսևորում։
Հաաաա էլի ձեռ չի տալիս, չէ՞, Նիկոլ ջան։
Հերի՛ք է մարդկանց մոլորեցնել։ Սա ոչ թե քաղաքական քայլ է, այլ բացահայտ ծաղրանք մեր նկատմամբ։
Մարդկանց օրհասական ճակատագրի հետ խաղալը չի կարող անվանվել «պետական մտածողություն» կամ «հարգանք»։ Ժողովուրդը դա տեսնում է, հասկանում է և գնահատում է՝ անկախ նրանից, թե դու ինչ ես ասում կամ փորձելու ներկայացնել։