«Ի՞նչ դրական ազդեցություն է ունեցել պետական պարտքը․ տարեվերջին այն կկազմի 5 տրիլիոն 820 միլիարդ դրամ»․ Արթուր Խաչատրյան

«Կառավարության իրականացված ծրագիրն այսօր բացարձակապես որևէ առնչություն չունի նախընտրական ծրագրի հետ և մեծամասնության կողմից հաստատված կառավարության ծրագրի հետ՝ առնվազն Արցախի անվտանգային և արտաքին հարաբերությունների հարցերում»,- այս մասին ԱԺ-ում հայտարարեց «Հայաստան» խմբակցության պատգամավոր Արթուրն Խաչատրյանը։

Նրա դիտարկմամբ՝ իշխանությունները չեն կատարել նաև իրենց տնտեսական բլոկի խոստումները։

«Տարեվերջին սպասվում է, որ պետական պարտքը կկազմի 5 տրիլիոն 820 միլիարդ դրամ․․․ Այստեղ կառավարության ներկայացուցիչը, քաղաքական մեծամասնությունը համոզում էին, որ պարտքը վատ բան չէ, այն նպաստում է տնտեսական բարձր աճին, ֆլան ֆստան․․․ Ես փորձեցի հասկանալ, եթե պարտքը զտենք, ինչքա՞ն կկազմի մեր տնտեսական աճը, պատասխան չունենք․ այդ պարտքը մեր տնտեսության վրա ի՞նչ դրական ազդեցություն է ունեցել, չկա այդ պատասխանը»,- նշեց պատգամավորը։