««Համապարփակ» ապահովագրության հիմնական բեռը դրվում է քաղաքացիների վրա»․ Անուշ Պողոսյան

«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․ «Համընդհանուր ապահովագրություն՝ 51 միլիարդը քաղաքացիների գրպաններից.
2026 թվականին Առողջապահության նախարարությանը նախատեսվում է հատկացնել 210 մլրդ 911 մլն դրամ։ Սա 44 մլրդ 313 մլն դրամով ավելի է, քան 2025-ին։ Պատճառը՝ հաջորդ տարվանից ներդրվող առողջության համընդհանուր ապահովագրության համակարգն է։ Այս մասին հայտնել է Ֆինանսների նախարար Վահե Հովհաննիսյանը՝ ԱԺ առողջապահության և ֆինանսավարկային ու բյուջետային հարցերի հանձնաժողովների համատեղ նիստում։
Բայց, ինչպես ասում են «սատանան մանրուքների մեջ է»։
2026թ. հունվարի 1-ից Հայաստանի Հանրապետության 395 090 քաղաքացի տարեկան վճարելու է 129 000 դրամ ապահովավճար։ Սա ընդհանուր կազմում է՝
51.07 մլրդ դրամ։
Փաստորեն «համապարփակ» ապահովագրության հիմնական բեռը դրվում է քաղաքացիների վրա։
Փոխարենը պետությունը շարունակում է ընտրել ամենահեշտ ճանապարհը՝ հարկել հպարտ քաղաքացիներին, ոչ թե ձևավորել արդյունավետ և արդար առողջապահական համակարգ»։