«Միքայել Արզումանյանը որևէ հանցանք չի կատարել». Երեմ Սարգսյան

«Միքայել Արզումանյանն առաջադրված մեղադրանքը չի ընդունում, որովհետև որևէ հանցանք չի կատարել։ Դատարանում փորձում ենք հիմնավորել, որ մեղադրանքներն անհիմն են»,- այս մասին «Նյուզ»-ի եթերում ասել է ՊԲ նախկին հրամանատար Միքայել Արզումանյանի պաշտպան Երեմ Սարգսյանը։ Նրա խոսքով՝ որևէ ակնկալիք չկա այս նիստից. «Նախորդ նիստին է խափանման միջոց կալանքը փոխվել տնային կալանքով ու գրավով։ Էս պահին որևէ ակնկալիքի հարց չկա, որովհետև 3 ամիս ժամկետով է կիրառված տնային կալանքը»:

Հիշեցնենք՝ Արզումանյանը կալանավորվել էր 2022-ի սեպտեմբերի 1-ին։ Մեղադրվում է 44-օրյա պատերազմի ժամանակ իշխանազանցության համար, որն անզգուշությամբ առաջացրել է ծանր հետևանքներ: