Երևան`   +5 °C
Այսօր`   Ուրբաթ, 19 դեկտեմբերի, 2025 թ.

«Ո՞ւր է իրականում առաջարկում վերադառնալ Ռոբերտ Քոչարյանը». Մարիա Կարապետյան

142
Երկուշաբթի, 10 նոյեմբերի, 2025 թ., 17:24
«Ո՞ւր է իրականում առաջարկում վերադառնալ Ռոբերտ Քոչարյանը». Մարիա Կարապետյան

ՔՊ-ական պատգամավոր Մարիա Կարապետյանի ֆեյսբուքյան գրառումը. «Վերջ տալ ներքին կոնֆլիկտներին և վերսկսել արտաքին կոնֆլիկտը։ Սա էր ահա Ռոբերտ Քոչարյանի համեստ՝ մեկժամանոց հարցազրույցի խոստումը։
Նա նկատի ունի՝ չի կարելի պառակտել հանրությունը ապօրինի գույքի բռնագանձման օրենքով և անհրաժեշտ է համախմբվել Ադրբեջանի հետ հակամարտությունը շարունակելու շուրջ։
Ռոբերտ Քոչարյանը ասում է՝ պետք է լինենք իրատեսական, պետք է պայքարենք միջազգային կառույցներում վերադարձի իրավունքը ամրագրելու համար։ Այսինքն վերադառնալ իրականում հնարավոր չէ, բայց կարելի է պարզապես Ադրբեջանի հետ շարունակել հակամարտությունը այդ թեմայի շուրջ։
Իսկ ո՞ւր է իրականում առաջարկում վերադառնալ Ռոբերտ Քոչարյանը. այն միջավայր, որտեղ Հայաստանի ժողովուրդը այդ հակամարտությունը սպասարկելու համար պետք է հանդուրժի այն, օրինակ, գեներալներին, որ ապօրինի հարստացել են, թե չէ ռազմավարական դաշնակցի հետ հարաբերությունները կփչանան։
Եւ վերջում լապշա. եկեք օգոստոսի 8-ի համաձայնությունների համար մի նոր «երաշխիքային» համաձայնագիր առաջարկենք, որի մաս կլինեն Միացյալ Նահանգները, Ռուսաստանը և Չինաստանը։ Այսինքն ինչպե՞ս հետ բերել Ռուսաստանին, որ ոչ ոք «չնկատի»։ Ճիշտ է՝ Չինաստանով փաթեթավորել։ Չինաստանը նոր Իրանն է»:

Աղբյուրը`   Մարիա Կարապետյան