«Սպասենք, թե երբ իշխանություններն «OC Media» ցանցին կանվանեն КГБ-ի գործակալներ». Բենիամին Մաթևոսյան

Քաղաքագետ Բենիամին Մաթևոսյանը ֆեյսբուքյան իր էջում տեսանյութ է հրապարակել՝ կից գրառմամբ. ««OC Media»-ն՝ КГБ գործակալնե՞ր։ Վստահաբար դուք էլ նկատած կլինեք, որ Հայաստանի իշխանությունները սիրում են «աջ ու ձախ» բոլորին անվանել «հինգերորդ շարասյուն» կամ КГБ-ի գործակալ։ Ամենաթարմ դեպքը՝ Նիկոլ Փաշինյանը Եզրաս արքեպիսկոպոս Ներսիսյանին անվանեց КГБ-ի գործակալ։
Ընդհանրապես, եթե դու բարձրաձայնում ես, որ իշխանություններն անվտանգային ռիսկերը կառավարելու հետ կապված խնդիր ունեն, կամ որ այսպես կոչված «խաղաղությունը Ադրբեջանի հետ» կեղծ կատեգորիա է, պիտակավորում են՝ «հինգերորդ շարասյուն», «КГБ»-ի գործակալ։
Այ հիմա, սպասենք՝ երբ են իրենք արևմտյան «OC Media» ցանցին ևս մեղադրելու նրանում, որ իրենք КГБ-ի գործակալների ցանց են։ Ինչո՞ւ ենք այս ցանցի մասին խոսում: Վերջերս իրենք բավականին հետաքրքիր հետաքննություն էին հրապարակել, ըստ որի՝ Ադրբեջանի նախագահի աշխատակազմի մակարդակով ֆինանսավորվում է «Արևմտյան Ադրբեջան» նախագիծը։ «Արևմտյան Ադրբեջան» նախագիծը հետևյալի մասին է. «Սևանը պետք է լինի Գյոյչա», որ Ադրբեջանից Հայաստան պետք է տեղափոխվեն 500,000 մարդ։ Հայաստանում էլ այդ նախագիծը Նիկոլ Փաշինյանը պարզապես կոչում է «չորրորդ Հանրապետություն»։
Դրա համար ենք ասում՝ սպասենք, թե երբ իշխանությունները «OC Media» ցանցին, որոնք խոսել են օրինակ նրա մասին, որ ադրբեջանցիները տարբեր մայրաքաղաքներում, մասնավորապես՝ Բրյուսելում, միջոցառումներ են կազմակերպում ադրբեջանցիների այսպես կոչված վերադարձի մասին, անվանեն КГБ-ի գործակալներ։ Սպասենք»: