«էլի ասում եմ՝ թող դպրոցից տուն գնալուց առաջ գան ցնցուղ ընդունեն, նոր գնան, վատ կլինի՞»․ Նիկոլ Փաշինյան

«Էլի ասում եմ՝ դպրոցի ցնցուղները թող օգտագործեն»,- այս մասին այսօր կառավարության նիստում ընդգծեց վարչապետ Նիկոլ Փաշինյանը՝ հավելելով, որ դպրոցների նորոգումից ու կահավորումից հետո հաճախ նոր գույքը չի օգտագործվում։

«Հիշում եմ դպրոցի տնօրենի հետ իմ խոսակցությունը․ մտնում եմ ցնցուղ, նայում եմ՝ օգտագործած չի, հարցնում եմ, ասում է, հա, չենք օգտագործել։ Ասում եմ՝ քանի՞ երեխա կլինի դպրոցում, ում տանը ցնցուղ չկա, կլինի՞ 5 կամ 10 այդպիսի երեխան, ասում է՝ հա։ Դե թող տուն գնալուց առաջ գան ցնցուղ ընդունեն, նոր գնան, ի՞նչ կլինի, վատ կլինի՞, խնդիր կլինի՞։ Կառավարությունը փող է ծախսել, որ էդ երեխեքը օգտվեն, նրա համար չի, որ գանք նկարվենք, փիար անենք»,- ասաց Փաշինյանը։