«Ես չեմ թաքցնում». Կիրկորովն` իր հիվանդության մասին

Ռուսական շոու-բիզնեսում ակտիվորեն քննարկվում է այն լուրը, որ Ֆիլիպ Կիրկորովի մոտ լուրջ հիվանդություն է ախտորոշվել: Հաղորդվում է, որ Կիրկորովը շաքարային դիաբետ ունի, այդ պատճառով էլ ուժեղ թուլություն և անընդհատ ծարավ է զգում: Ասում են, որ փոփի արքան չեղարկել է այս տարվա բոլոր մենահամերգները իր հիվանդության պատճառով:
-Ես չեմ թաքցնում իմ հիվանդությունը,- ասել է Ֆիլիպը «Նոր ալիք»-ի կուլիսներում,- ես դեռ մայիսին ասացի, որ շաքարային դիաբետ ունեմ: Դրա համար էլ ձեռքս դժվարությամբ էր լավանում: Մնացած ամեն ինչ խիստ չափազանցված է: Այս լուրերը տարածելով՝ նրանք իրենք են խթանում իմ հանրաճանաչությունը՝ ասելով, որ ես լուրջ հիվանդություն ունեմ, բայց միևնույն ժամանակ պատրաստվում եմ մենահամերգների:
Նա նաև հավելել է, որ հետևում է բժիշկների բոլոր նշանակումներին, ուստի իրեն լավ է զգում.
- Այսօրվա բժշկությունն այնքան բարձր է, որ ես մեծ խնդիրներ չունեմ: Այսօր իմ կյանքում շատ սպորտ և առողջ սնունդ կա:

-Մեր բոլոր հիվանդությունները պայմանավորված են անառողջ ապրելակերպով և անառողջ սննդակարգով,- ամփոփել է Կիրկորովը։