«Լուրեր են տարածվում, որ մտադիր են վաճառել Պուշկինի անվան դպրոցի շենքը»․ Կարեն Հեքիմյան

Հասարակական գործիչ Կարեն Հեքիմյանի ֆեյսբուքյան գրառումը. «Լուրեր են տարածվում, որ մտադիր են վաճառել Պուշկինի անվան դպրոցի շենքը: Հակված եմ մտածել, որ լուրերը հիմնավորված են և ընդհանրապես չեմ զարմանում: Ավելին, ընդվզելու ցանկություն ևս չկա: Եթե «ակադեմիական քաղաք» կամ «կրթությունը նորաձև է», հատուկ նշանակության գործողությունների արդյունքում Կոնսերվատորիայի կամ ԵՊՀ-ի շենքը պետք է այլ նպատակների ծառայի, ապա Պուշկինի անվան դպրոցի շենքն ինչո՞ւ պետք է բացառություն կազմի: Բացի դրանից՝ եթե ԵՊՀ-ի մի քանի հազարանոց աշխատակազմը դեմ չէ պատրաստվող «հատուկ նշանակության» գործողությունների, ապա ինչո՞ւ դրան պետք է դեմ լինեն Պուշկինի անվան դպրոցի աշխատակազմը և ինչ-որ անհատներ:
Վաճառեք պարոնայք, անխնա վաճառեք:
ՀԳ. Երևանում ճարտարապետական բարձր մակարդակով կառուցված դպրոցներ շատ կան: Կարող եմ հատիկ առ հատիկ ցույց տալ: Դե, ինձ էլ մի բան կտաք, էլի»։