«Հիշեցի Քովիդի ժամանակ կայֆավատ անող նախարարին, պարետին ու իրենց վերադասին». Տիգրան Քոչարյան

Արգենտինայի մայրաքաղաքի կենտրոնում գեներալ Բելգրանոյի արձանի տակ լցված են քարեր, որոնց վրա մարդկանց անուններ են գրված և տարեթիվ/ամսաթիվ:
Էքսկուրսավարին հարցրեցինք՝ սա ինչ է, պարզվեց՝ քարերի վրա գրառված են Քովիդից մահացած արգենտինացիների անուններն ու մահվան տարեթվերը, որոնք մահացածների բարեկամները, ի նշան բողոքի, բերեցին և լցրեցին արձանի կողքը, քանի որ այն ժամանակվա կառավարությունը բոլորին պարտադրել էր տները նստել, իսկ իրենք փակ փարթիներ էին անում ու տժժում:
Սկզբում քարերը հեռացնում էին, բայց արգենտինացիք անընդհատ հետ էին բերում ու ավելացնում:
Ու փաստացի գեներալի արձանը դարձավ այդ ժամանակվա կառավարության գործած սխալների վառ ցուցադրություն:
Շատ ծանր տպավորություն թողեց, հատկապես, երբ հիշեցի նաև մեր Քովիդի վախտ կայֆավատ անող ու ժողովրդին էշի տեղ դնող նախարարին, պարետին ու իրենց վերադասին: