Այսօր դիմորդները քննություն են հանձնում «Հայոց պատմություն» և «Ֆիզիկա» առարկաներից

Այսիր՝ հունիսի 27-ին, այս փուլի միասնական քննությունների եզրափակիչ օրն է։ 1052 դիմորդ քննություն կհանձնի «Ֆիզիկա» առարկայից, 1289-ը՝ «Հայոց պատմություն»։ Այս մասին հայտնում է Գնահատման և թեստավորման կենտրոնի մամուլի քարտուղար Խաչանուշ Գրիգորյանը։

«Ֆիզիկա» առարկան հանձնողների նախնական թիվը Երևանում 451 է, մարզերում՝ 601։ «Հայոց պատմություն» հայտագրողները Երևանում 405-ն են, մարզերում՝ 884-ը։ Գործելու է քննական կենտրոններից 24-ը, 8-ը՝ Երևանում, 16-ը մարզերում։
Երևանում քննական կենտրոնները տեղակայված են․155 հիմնական, 166 հիմնական, 170 ավագ, 189 ավագ, 190 ավագ, 20 հիմնական, 200 հիմնական և 35 հիմնական դպրոցներում։