Հայկական մշակույթի տարրեր` The Weeknd-ի նոր տեսահոլովակում

Աշխարհահռչակ փոփ երաժիշտ The Weeknd-ը զարմացրել է իր լսարանին իր նոր՝ «Baptized in Fear» երգի տեսահոլովակով, որտեղ տեղ են գտել հայկական մշակույթի այնպիսի խորհրդանիշներ, ինչպիսիք են հայկական խաչքարերն ու եկեղեցին:

Հոլովակի ընթացքում երգիչը հանդես է գալիս հայկական ճարտարապետությանը հատուկ եկեղեցու ֆոնին, իսկ եկեղեցու պատերին նկատվում են հայկական խաչքարային արվեստի օրինակներ:

«Baptized in Fear» երգը փոփ երաժշտի ներքին ապրումների մասին է, ճանաչում ձեռք բերելու ճանապարհին ունեցած վախերի, պատասխանատվության, անորոշ ապագայի, ճնշումների և ինքնագնահատականի:

Էյբլ Տեսֆայեն, որն ավելի հայտնի է The Weeknd անվամբ, կանադացի երգիչ-երգահան և երաժշտական պրոդյուսեր է: Հայտնի է դարձել 2010 թվականին «Յութուբ»-ում ներբեռնած մի քանի երգերի շնորհիվ: Այսօր նա աշխարհի ամենանշանավոր փոփ երաժիշտներից մեկն է, արժանացել է բազմաթիվ հեղինակավոր մրցանակների: