«Մի ոտքդ արդեն կառափնարանի շեմին է, ո՛վ հայ ժողովուրդ»․ Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը․ «Ո՛վ հայ ժողովուրդ․ որքան ուզում ես՝ հպարտացիր, թե զատո աշխարհի առաջին քրիստոնյան ես, թե՝ ծովից ծով ես ունեցել, թե Նարեկացի ու Կոմիտաս ես ունեցել, թե աշխարհին Զվարթնոց ես տվել․․․
Այսօր քո ղեկավարը Նիկոլն է, հայրենիքիդ 3 տոկոսիդ վրա ես ապրում, Ղալթախչի ես գնում, Թաթուլ, Վլե, Ուզբեկ, Սպիտակցի Հակո ես լսում և գիրք չես ընթերցում։
Նշանակում է՝ քո պատմական ընթացքը սխալ է։ Նշանակում է՝ սայթաքել ես, սխալվել ինչ որ տեղ։ Հետևություն՝ կանգ առնելու և սթափվելու ժամանակն է։ Եվ քո առաջին թշնամին սեփական տգիտությունդ է, գլուխդ յուղող, գլխիդ տակ փափուկ բարձ դնող այն «մտավորականը», որը միայն քեզ ականջահաճո բաներ է ասում՝ կաթիլ-կաթիլ քեզ ներարկելով սնափառություն, փուչ անհեթեթություններ։
Մի ոտքդ արդեն կառափնարանի շեմին է, ո՛վ հայ ժողովուրդ, ուշքի՛ եկ․․․»։