«Հայաստանի պարագայում հիբրիդային պատերազմը հրահրվում է ներսից»․ Վահրամ Աթանեսյան

Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Լրջորեն քննարկվում է Հայաստանի դեմ Ռուսաստանի հիբրիդային պատերազմի հարցը: Ռուսաստանը բացառություն չէ, բոլոր գերտերություններն էլ իրենց ազդեցության տարածման կամ ամրապնդման համար հսկայական ջանքեր եւ միջոցներ են ծախսում: Ռուսաստանը հիբրիդային պատերազմ է վարում հետխորհրդային տարածքի բոլոր, Արևելյան Եվրոպայի, Մերձավոր Արևելքի, Հյուսիսային Աֆրիկայի, Լատինական Ամերիկայի շատ երկրների դեմ: Հայաստանի պարագայում խնդիրը ոչ այնքան Մոսկվայի «նախաձեռնությունների», որքան ներքին «ինիցիատիվնիկ»-ների վտանգավորությունն է: Այսինքն, մեր դեպքում հիբրիդային պատերազմը հրահրվում է ներսից: Թե չէ արտաքին միջամտություններին միշտ էլ կարելի է շատ արդյունավետ հակազդել: Ընդ որում՝ առանց ավելորդ աղմուկի: Ժողովուրդը զուր չի ասում. «Գողը որ տնից լինի, եզը երդիկից կհանեն»»: